Şu anda buradasınız: Makalelerim -  Satışınızı Artırmaq Üçün 5 Marketinq Fəndi

Satışınızı Artırmaq Üçün 5 Marketinq Fəndi

Marketinqlə bağlı tövsiyyələrlə dolu minlərlə kitab var. Buna baxmayaraq, “hələ də marketinqin əsaslarını bilmirik” deyənlər çoxdur. Elə bu səbəbdən də, kobud marketinq səhvlərinə yol veririk. Aktiv marketinq fəndlərinin toplandığı bir məqalədə marketinqin əsasları haqqında ətraflı məlumat vermək imkanı məhduddur. Ancaq, əsas marketinq səhvlərindən xilas olmaq üçün, effektiv nəticə ala biləcəyimiz strategiyaları ən bəsit halda aşağıda ifadə etməyə çalışdım:

1-Sadəcə fayda satmayın: Məhsul və ya xidmətinizi aldıqları vaxt müştərilərinizin nə qazanacaqlarını ifadə edən, ehtiyaclarını qarşılayacağını vəd edən mesajlardan çəkinin. Müştərilər, qazanmaqdan çox itirməkdən ehtiyat edərlər. Buna görə də, təqdim etdiyiniz məhsul alınmazsa, müştərilərinizin nələr itirə biləcəyini ifadə edən mesajlardan, satış kampaniyanızda daha sıx istifadə edin. Əgər kifayət qədər doğru səbəblərlə, təqdim etdiyiniz məhsul və xidmətləri almaqdan imtina etsələr, onda müştərilərin nələr itirə biləcəklərini izah edin, onda daha çox alacaqlar.

2-Satışın son mərhələsində xoş sürprizlərdən istifadə edin: Heç kim xoşagəlməz sürprizləri sevmir, xüsusilə satışın son mərhələsində ortaya çıxan xoşagəlməz sürprizlər, sadəcə o satışı deyil, potensial müştərilərinizin sizinlə davamlı alış-verişlərini də yox edə bilər. Xoş sürprizlər isə tam əksinə, müştərinin həm satın alma qərarını daha tez verməsinə imkan yarada bilər, həm də sizi həmişə xatırlamasına kömək edər. Müştərilərinizə, xüsusilə də dəyərli olanlarına, xoş sürprizlər edin. Məsələn, heç söz vermədiyiniz halda, məhsul ya da xidmətlərinizdən pulsuz istifadəyə imkan yaradın və ya ona fayda verə biləcək digər məhsul və ya xidməti ucuz qiymətə təmin edin. Ancaq xüsusilə diqqət edin ki, sürprizləriniz sürpriz olaraq qalsın və qaydaya çevrilməsin. Əks halda, satış promosiyası büdcənizdə böyük kəsir yarada bilər.

3-Alışı asanlaşdırın: Alqı-satqı əsnasında atılan lüzumsuz hər addım nəticəsində, müştəriniz məhsulunuzu alma qərarından imtina edə bilər. Elə buna görə də, alış proseduranızı mümkün qədər bəsitləşdirin və sadələşdirin. Bütün lazımsız addımları proseduranızdan çıxarın. Məsələn, alqı-satqı üçün mütləq bir sifariş anketinə ehtiyac hiss edirsinizsə, bunu müştəridən istəməyin. Özünüz hazırlayın və doldurulmuş anketi sadəcə təsdiqləməsi üçün müştərinizə yollayın.

4-Qiymətlərinizi endirmədən təkliflərinizi təkmilləşdirin: Qiymət endirimləri müştərini razı salmaqda ən geniş yayılmış üsul olsa da, bununla dibsiz bir quyuya girdiyinizi əsla unutmayın. Bu gün firmalar, büdcələrinin təxminən 70%-ni satış endirimlərinə xərcləyirlər. Qiymətlərinizi endirmək yerinə, təkliflərinizi fərqləndirməyi sınaqdan çıxarın. Təklifinizi, digərlərininkindən fərqləndirin. Çalışın ki, bu fərqlilik müştəri üçün önəmli olsun. Sizə əlavə kiçik maliyyə yükü gətirən bəzi təkmilləşdirmələr, müştəri üçün çox vacib rol oynaya bilər.

5-Reklamlarınızı aktuallaşdırın: Əgər reklamlarınızda sistemli dəyişikliklər aparmasanız, paralel olaraq satışlarınız zəifləyəcək. Təbii ki, işə yarayan reklamlarınızdan imtina etməyin, sadəcə bunları təkmilləşdirin. Eyni mesajı, eyni məkanda, eyni formada verməkdə israr etsəniz, qısa müddətdən sonra görünməz hala gələcəksiniz. Bu səbəbdən, yeni reklam vasitələri, yeni məkanlar axtarın. Ən önəmlisi, bunları davamlı olaraq test edin. Bu 5 vacib fəndi marketinq strategiyanıza uyğunlaşdırın. Qısa zamanda satışlarınızın artdığını görəcəksiniz.