|
 Marketinq
ilə bağlı verdiyim treninqlərdə, iştirakçıların, marketinq
mövzusundakı fikirlərini dinləmə fürsətim olur. Bu mövzuda təhsil
alanların arzuları o qədər çoxdur ki, bu arzulara cavab verməsi
üçün gərək marketinq “möcüzə” ola.
Halbuki, marketinq
möcüzə deyil.
Marketinq, doğru
tətbiq olunsa, şirkətinizə nizam-intizam, qazanc və məmnuniyyət
gətirəcək. Ancaq təkcə doğru marketinq ilə her şeyi həll etmək
mümkün deyil.
Buna görə də, marketinqin nə olmadığının və nələrə gücünün
çatmadığının siyahısını hazırladım;
Marketinq, acı təcrübəni
unutdura bilməz:
Ən böyük arzu bu olsa da, təəssüf ki, marketinq acı təcrübəni
unutdura bilməz.
Müştərinizə yaşatdığınız acı təcrübə nəticəsində, sadəcə bir
müştərinizi itirməzsiniz, bu müştəriniz təcrübələrini digərlərinə
də danışacağı üçün, potensial olan çoxsaylı müştərilərinizi
də itirəcəksiniz.
Marketinq sayəsində potensial müştəriləriniz qapınıza qədər
gələr, amma marketinq onların təcrübələrini unudub sizə daha
bir şans vermələrini təmin etməz. Daha çox marketinq
kampaniyalarına başlamazdan əvvəl, mövcud müştərilərinizin
xidmətlərinizdən razı qalıb-qalmamasından əmin olun.
İstəmədən, daha çox narazı müştəri yaratmayın.
Unutmayın, məhsul və xidmətlərinizdən razı qalmayan bir müştəri,
bunu daha 11 nəfərə söyləyə bilər.
Marketinq bir gecədə
sizi var-dövlətli etməz:
Şirkətinizdə marketinqlə bağlı bir fəaliyyətə başlamaq
satışlarınızı bir anda artırmaz. Marketinq sizin firmanızın
adını, yaxud məhsulunuzun markasını hədəf bazarınızda yuxarı
pilləyə çıxarmağınıza kömək edər. Ancaq bundan sonra
potensial müştəriləriniz məhsul və xidmətlərinizi yoxlamağa
qərar verə bilərlər.
Effektli bir marketinq kampaniyası daha çox əmək, vaxt və
pul tələb edir. Əgər vaxt və pul sarıdan təşvişdəsinizsə,
marketinq sizi daha çox təşvişə salacaq.
Marketinq, bir
şeyi bir dəfə edib daha sonra unutmaq deyil:
Ən yaxşı marketoloqlar yoxlayırlar, bir daha yoxlayırlar və
sonra bir daha yoxlayırlar. Misal üçün, deyək ki, saytınızın
dizaynı istifadəçilər üçün uyğun deyil. Əla peşəkar bir
dizayner ilə razılaşıb yenidən saytınızı dizayn etdirə bilərsiniz.
Müştəri ilə ünsiyyət səviyyənizi hansı elementlərin
artırdığını tapmaq üçün testlər aparmağa davam etməlisiniz.
Fərqli kampaniyaları, fərqli məhsulları, fərqli xidmətləri
davamlı testdən keçirməlisiniz.
Marketinq necə
ki, acı təcrübəni unutdura bilməz:
Eləcə də nəğd
dövriyyəsini və ya işçi problemlərini həll edə bilməz. Bəzən
şirkətlər gündəlik problemlərilə məşğul olduqları üçün
qocaman meşənin içində təkcə bir ağacı görə bilirlər. Misal
üçün, nəğd pul sarıdan korluq çəkən firmalar daha çox
satışla bu problemi həll edəcəklərini düşünürlər. Ancaq əgər
problem, fakturaların mühasibatlıqdan gec çıxması və ya gec
ödənməsidirsə, yeni müştərilərin gəlməsi, nəğd probleminin
daha da artmasına səbəb olacaq. Daha çox müştərini cəlb edəcək
marketinq kampaniyaları yerinə mühasibatlıqdakı problemləri
həll etmək şirkətin nəğd problemini yaxşılaşdıra bilər. Eyni
şəkildə, əgər işçilərlə bağlı problemlər şirkətə təsir edirsə,
marketinq fəaliyyətləri bu problemin daha da böyüməsinə gətirib
çıxaracaq.
Marketinq, müştərilərinizə,
almaq istəmədikləri, yaxud almağa imkan tapmadıqları məhsul
və xidmətləri aldırmaz:
Məhsul və ya xidmətiniz
nə qədər mükəmməl olsa belə, əgər ehtiyacı olmayanlara və ya
satınalma imkanından məhrum olanlara satmağa çalışırsınızsa,
marketinq kampaniyanız dahi olsa belə, uğursuzluğa məhkumdur.
Marketinq sizinlə, ya da şirkətinizlə əlaqədar bir şey deyil.
Marketinq, müştəriniz və müştərinizin istəkləriylə bağlıdır.
Əgər müştərinizin istədiyi şey sizdə yoxdursa, bunu müştərinizə
məhsuldar və əlverişli qiymətlə satmaq üçün hazırlıqlara
başlayın. Marketinq sahəsində iş görməyə başlamazdan əvvəl
bunları düşünün. Əvvəlcə işinizdə “həqiqətən” nələrin
olduğunu başa düşməyə çalışın.
Probleminiz
marketinqdir yoxsa:
- Satışlarmı?
- Müştəri
hesablarımı?
- Müştəriyə
lazımi səviyyədə göstərə bilmədiyiniz xidmətlərinizmi?
- Proseslərinizdə
müştəri məmnuniyyətini azaldan səhvlərmi?
- Səhvən istiqamətləndiyiniz
bazarınızmı?
- Yüksək maya
dəyərimi?
- Məhsul və ya
xidmətinizin bazara uyğunluğumu?
- Şirkətinizin
ümumi idarə formasımı?
Bu siyahını,
şirkətlə bağlı çoxlu səhvlə artırmaq da mümkündür. Marketinq
sahəsində konsaltinq xidməti alan firmaların əksəriyyətində,
problemin marketinq ilə bağlı deyil, şirkətin idarəetmə
formasıyla əlaqədar olduğu ortaya çıxır. Əgər probleminizin
adını doğru qoymasanız, marketinqlə bağlı atacağınız
addımlarla, problemi həll etmək əvəzinə daha da böyüdəcəksiniz.
Unutmayın,
marketinq möcüzə deyil…
|
MAKALELERİM başlığı altında yayınlanan tüm makaleler ZEKİ
YÜKSEKBİLGİLİ'ye aittir.
Burada yayınlanan tüm makaleler, sayısal olarak
tasdiklenmiştir.
İzinsiz kısmen veya tamamen
kopyalanması, yayınlanması, kullanılması kesinlikle
yasaktır.
Makalelerin izinsiz
kısmen veya tamamen kopyalanması, yayınlanması, suç teşkil
eder.
|
|
Ana Sayfa
Site Haritas
